Gmeinschaft – Oberwiler-Schnitzelbangg-Erzüger (GOSCHE) informiert:
Ay du scheene, ay du scheene ay du scheene Schnitzelbangg!
Heissts das Joor am Sunntig statt am Zistig!
Am Sunntig 11.02.24 findet s traditionelle Schnitzelbangg singe statt.
Ab de halber Säggsi sin d Bängg im Dorf unterwägs und präsentiere ihri Helge und Värsli. Mit drbi sin unteranderem:
D Gastropode, Rattatui, d Schnägge Waggis, Mac Väärs, Die Aagriffige und no dr eint oder ander meh. Si singe im Ambiente, Rössli, Schwane, Jägerstübli / «Schiggi», Im Pöstli und im Drei Linde.
Reservieret euri Plätz gnueg früeh! Si sin begeehrt und beschränkt!
Und übrigens:
Wotsch au du/dir Teil si vo däm wunderbaare Obe? Chönnet dir/ Chasch du guet Reime und Moole? Hesch du/Hän dir lust s Oberwiler Dorf zum Lache z bringe?
Oder kennsch öpper wo öpper kennt, wo öpper kennt, wo öpper kennt wo luscht hät? Denn mäld di/euch/öpper jetzt a für d Fasnacht 2025!
Mir freue uns uf euch!
Kontakt: Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!