Fasnachts Glöggli

Geschrieben von Peter Wyss

FasnachtsGlöggli 2020

Liebi Gäscht, liebi Sponsore, Schnägge, Agfrässeni, Fasnächtler und Fasnächtlerinne. Am 21.und 22. Hornig isch es wieder sowyt s‘ 9. FasnachtsGlöggli isch in dr Ändphase vo de Vorbereitige, um euch au im 2020 wieder e tolli Vorstellig und e gmietlige humorvolle Ystiig in d’Schnäggefasnachts z’presentiere. Mit zwei Guggemusige, ere Tamboure und Pfyffer -Clique, e Spitze Bangg us Basel, e paar Sketch (us eigenem Bode), e Spitze-Tambuure-Formation, und ere Hochklassigi Pfyffergruppe.

Unsere neue Kuchi-Chef, dr Megge Hofmann, wir euch wieder mit eme feyne 3-Gang Menue verwöhne, derzue hämmer e paar gueti Tropfe Wy usgsuecht. Dr Ydritt wird au das Johr inkl. Menue, Fr. 60.- betrage. Dr Vorverkauf vo de Tickets isch wieder im Jägerstübli (Schiggi), am e Samschtig, ab de Zähni am Morge, dr Termin wird rächtzytig im BiBo und uf dr Fasnachts Homepage bekannt gä www.fasnacht-oberwil.ch. Mir hoffe euch wieder gluschtig gmacht z’ha, wünsche euch schöni Fyyrtig und e guete Rutsch ins 2020.

S Fasnachts Comité und s’Glöggli-Team

 

Kontakt: Peter Wyss